ბერის ბმულობა და ვილსონის მარყუჟი ტოპოლოგიურ იზოლატორებში (ნაწილი 2)

ავტორი: გიორგი ციციშვილი
თანაავტორები: მერაბ ელიაშვილი
საკვანძო სიტყვები: ტოპოლოგიური იზოლატორი, ბერის ბმულობა, ვილსონის მარყუჟი
ანოტაცია:

ტოპოლოგიური იზოლატორის მატრიცული ჰამილტონიანის საკუთარი ვექტორებით აგებულია ბერის არააბელური U(N) ბმულობები. ნაჩვენებია, რომ ბრილუენის ზონაზე განმარტებული დაძაბულობის ტენზორი ნულდება ყველგან, გარდა ცალკეული განსაკუთრებული წერტილებისა, სადაც დაძაბულობის ტენზორი ავლენს სინგულარულ ყოფაქცევას. აღნიშნული სინგულარობები უკავშირდებიან სისტემაში ფაზური გადასვლების წერტილებს, და მათ აღსაწერად გამოიყენება ე.წ. ვილსონის მარყუჟი, რომლის საკუთარი რიცხვები წარმოადგენენ ყალიბურად ინვარიანტულ სიდიდეებს. საწყისი მატრიცული ჰამილტონიანისათვის გამოყენებულია ე.წ. სინგულარულ რიცხვებად ფაქტორიზების მეთოდი, რაც ვილსონის მარყუჟისა და მისი საკუთარი რიცხვების ზუსტად გამოთვლის საშუალებას იძლევა.